Braňany (germaneProhn) estas municipo de Ĉeĥio troviĝanta en distrikto Most. La municipo situas proksimume ses kilometrojn nordoriente de urbo Most kaj kvin kilometrojn oriente de urbo Bílina. Braňany troviĝas en supermara alteco 253 metroj kaj ĝi estas ĉirkaŭitaj de kvar montetoj. Nordokcidente situas Červený vrch (366 metroj), sudokcidente monteto Na Skalce (328 metroj), oriente etendiĝas monteto Kaňkov (436 metroj), kiu apartigas la samnomatan domaron Kaňkov kaj nordoriente Mnišský les (379 metroj).
Norde de la municipo la pejzaĝo estas markita pro minado de karbo. En Braňany kruciĝas ŝoseo II/256 el Želenice ĝis Mariánské Radčice kaj Lom kaj ŝoseo de la III-a klaso 2538 el Most ĝis Bílina. Vivas ĉi tie 1 197 loĝantoj (2023).
Kiel la unua skribmencio pri la municipo oni konsideris jarojn 1239, kiam estas menciata certa Wolzik de Brani kaj 1281, kiam oni parolas pri Čáslav z Bran. Sed plej prefere en ambaŭ kazoj temas pri la pereinta vilaĝo Brany ĉe Chomutov. La certa mencio pri Braňany tial devenas nur el la jaro 1327, kiam estas registrita Guntherus de Brand.
Ĉeĥio
Vikimedia Komunejo: Braňany
Portalo pri Ĉeĥio
Monumento en Braňany
Kapelo en tombejo
.jpg)