Pablo Urbanyi
| Pablo Urbanyi | ||
|---|---|---|
| ||
| Persona informo | ||
| Naskiĝo | 1-an de januaro 1939 en Šahy | |
| Morto | 27-an de aprilo 2024 (85-jaraĝa) | |
| Lingvoj | hispana vd | |
| Ŝtataneco | Argentino vd | |
| Profesio | ||
| Okupo | prozisto • universitata instruisto • verkisto vd | |
| Laborkampo | beletro • prozo • hispana lingvo • lingvoinstruado vd | |
| vd | Fonto: Vikidatumoj | |
Pablo URBANYI (1939 en Hungario - la 27-an de aprilo 2024) estis argentina verkisto.
Vivo[redakti | redakti fonton]
Sekve de la Dua Mondmilito, Šahy (Ipolyság), la urbo kie loĝis la familio fariĝis parto de Ĉeĥoslovakio kaj ili decidis elmigri al Argentino. Dum liaj studadoj iĝis proksima al la argentina poeto Roberto Juarroz, kiu estis lia gvidisto kaj mentoro dum multaj jaroj. Juarroz prezentis Urbanyi al la historio de literaturo kaj ĝiaj grandaj reprezentantoj, de la greka klasikaĵo ĝis Dante Alighieri kaj Cervantes, kies satiro poste havus grandan influon sur lia stilo. Aliaj verkintoj kiuj influis la verkojn de Urbanyi inkludas Swift, Joyce, Proust, kaj la romanon "La travivaĵoj de la brava soldato Ŝvejk dum la mondmilito" de Jaroslav Hašek, fondreferenco en la satira laboro de Urbanyi. Sed eble la plej klara influo venas de la aŭstra verkisto Robert Musil.
Argentino estas la lando kie Pablo Urbanyi asimilis sian duan gepatran lingvon, la hispanan. Post akirado de bakalaŭro, Urbanyi serĉis sian alvokiĝon en pluraj universitataj disciplinoj, sen kompletigado de iu ajn el ili. Lia obsedo pri legado kaj lia ambicio iĝi verkisto forprenis lin de ili.
En Bonaero, li laboris en la plej diversaj profesioj: librovendisto, tapiŝvendisto, kelnero, ĵurnalisto, aktoro kaj reĝisoro. Lia debuta publikigita verko estis kolekto de noveloj kunigitaj sub la titolo "La Nokto de la Revoluciuloj" (1972), kaj sekve "Pistolo por Mack" (1975).
En 1975, Urbanyi laboris kiel redaktoro en la kultura sekcio de la ĵurnalo La Opinión, sed en 1977 li devis forlasi Argentinon pro la teruro kaj perforto estigitaj de la puĉo kaj la milita diktaturo, kaj baldaŭ li elmigris al Kanado, kie li vivis de tiam ĝis sia morto. Li iĝis hispana instruisto, posteno por kiu li neniam studis. Urbanyi prelegis ĉe la Universitato de Otavo kaj ĉe la kanada Ministerejo de Eksterŝtataĵoj kaj Internacia Komerco (fr).
Dum siaj ekziljaroj, li publikigis la librojn "Nenie" (1981), " Iom da ĉio kaj multe da nenio " (1988), " Renaskiĝi " (1992), " Arĝento " (1994) kaj " Sunsubiro " (1997). Multaj el liaj libroj estis tradukitaj en la anglan, la francan kaj la hungaran.
Referencoj[redakti | redakti fonton]
Eksteraj ligiloj[redakti | redakti fonton]
- France: http://www.quebec-amerique.com/auteurs/pablo-urbanyi.html
- Hispane: http://www.biografiasyvidas.com/biografia/u/urbanyi.htm
- Angle: http://www.hungarianpresence.ca/Culture/Literature/p-urbanyi.cfm.html Arkivigite je 2020-06-15 per la retarkivo Wayback Machine