Centroj por Kontrolo kaj Preventado de Malsanoj
La Centroj por Kontrolo kaj Preventado de Malsanoj (angle Centers for Disease Control and Prevention, akronime CDC, foje nomata kun la prefikso US) estas agentejo de la Departemento pri Sano kaj Homaj Servoj de la Usona Federacia Registaro, kies rolo estas konservi publikan sanon kaj sekurecon per disponigado de informoj por plibonigi la kapablon fari decidojn en la kampo de sano, kaj antaŭenigi Publikan sanon per kunlaboro kun ŝtataj sansekcioj kaj aliaj organizaĵoj [1]. La CDC enfokusigas nacian atenton sur malsankontrolo kaj preventado (aparte infektaj malsanoj), media sano, laborsekureco kaj sano, vundpreventado, kaj edukaj agadoj dizajnitaj por plibonigi la sanon de la loĝantoj de Usono. La CDC-ĉefsidejo estas sur la kampuso de Universitato Emory, en Atlanta, Georgio [2][3]. La agentejo havas kampoficejojn en 49 ŝtatoj.
Historio[redakti | redakti fonton]
La centroj estis establitaj la 1-an de julio 1946 sub la nomo de la Centro por Infektaj Malsanoj, kaj traktis plejparte la batalon kontraŭ malario en Usono [4][5]. En 1957, la agadkampo de la centro estis vastigita por inkludi venereajn malsanojn. En 1960 la centro ricevis respondecon pri la kuracado de tuberkulozo kaj en 1963 la centro starigis programon por vakcinado. En 1967 la nomo de la centro estis ŝanĝita al la "Nacia Centro por Infektaj Malsanoj" kaj en 1970 la nomo estis ŝanĝita denove, ĉi-foje al la "Centro por Malsana Kontrolo". En 1980 la nomo estis ŝanĝita al la "Centroj por Malsana Kontrolo" kaj en 1992 la vorto kaj prevento ankaŭ estis aldonitaj. Tra la jaroj, la agadoj de la centro estis vastigitaj por inkludi kronikajn malsanojn, handikapojn, vundojn, laborakcidentojn, mediajn sanriskojn kaj biologian terorismon.
Eldonoj[redakti | redakti fonton]
- CDC publications[6]
- State of CDC report[7]
- CDC Programs in Brief[8]
- Morbidity and Mortality Weekly Report[9]
- Emerging Infectious Diseases (monthly journal)[10]
- Preventing Chronic Disease
- Vital statistics[11]
Referencoj[redakti | redakti fonton]
- ↑ Mission, Role and Pledge (2014-04-14). Arkivita el la originalo je 2017-01-18.
- ↑ Centers for Disease Control and Prevention. United States Department of Health and Human Services (October 4, 2019). Arkivita el la originalo je April 10, 2020. Alirita May 15, 2020.
- ↑ Niesse, Mark. "City of Atlanta's expansion to Emory and CDC approved", Atlanta Journal-Constitution.
- ↑ Parascandola J (November–December 1996). “From MCWA to CDC origins of the Centers for Disease Control and Prevention”, Public Health Reports 111 (6), p. 549–551.
- ↑ Records of the Centers for Disease Control and Prevention (Record Group 442) 1921–2004. Guide to Federal Records. National Archives and Records Administration (November 9, 2010). Arkivita el la originalo je November 19, 2010. Alirita 2009-10-04.
- ↑ Publications. CDC. Alirita 2012-10-10.
- ↑ CDC Publication Archives. CDC. Arkivita el la originalo je March 4, 2016. Alirita 2012-10-10.
- ↑ Programs in Brief: Home Page. CDC. Arkivita el la originalo je July 18, 2006. Alirita 2006-08-10.
- ↑ Morbidity and Mortality Weekly Report. CDC. Alirita 2012-10-10.
- ↑ About the Emerging Infectious Diseases journal. CDC. Arkivita el la originalo je Nov 5, 2012. Alirita 2012-10-10.
- ↑ CDC/National Center for Health Statistics. Alirita October 14, 2014.
Vidu ankaŭ[redakti | redakti fonton]
Eksteraj ligiloj[redakti | redakti fonton]
- Oficiala retejo
- CDC en la Federala Registro
- CDC Enreta Novaĵejo
- CDC Publiksana Bilda Biblioteko
- CDC Tutmonda Komunikada Centro
- CDC WONDER enretaj datumaroj.
- Vakcina Sekureco Monitorante Sistemojn kaj Metodojn (CDC) prezentita je oktobro 2019, renkontiĝoj de la Konsila Komitato pri Imunigaj Praktikoj (ACIP)