Tagiŝoj
| Tagiŝoj | |
|---|---|
| etno | |
| Unuaj nacioj | |
| Ŝtatoj kun signifa populacio | |
La Tagiŝoj aŭ Kvan-tagiŝoj (angle: Tagish aŭ Tagish Khwáan) estas indianoj de la atabaska lingvaro. Ilia tradicia teritorio estis la regiono ĉirkaŭ la lagoj Tagish kaj Marsh en la kanada Jukonio.
La tribo miksiĝis kun la Tlingitoj, kiuj vivis ĉe la pacifika marbordo. Tial la lingvo de la tagiŝoj preskaŭ tute perdiĝis.
Nuntempe la plej granda parto de la tribanoj vivas en kaj ĉirkaŭ Carcross kaj Whitehorse kiel anoj de la Carcross/Tagish aŭ la Kwanlin Dün.
Etimologio[redakti | redakti fonton]
La vorto Tagish signifas en la indiĝena lingvo "ĝi (la printempa glacio) rompiĝas".
Historio[redakti | redakti fonton]
Tribanoj de la tagiŝoj estis inter tiuj, kiuj malkovris la oron, kiu estigis la alaskan orimpetegon ĉe la Klondike fine de la 19-a jarcento: Skookum Jim Mason, Shaaw Tláa (Kate Carmack) kaj Káa goox (Dawson Charlie).