Oskar Svantesson
| Oskar Svantesson | |
|---|---|
| Persona informo | |
| Naskiĝo | 2-an de junio 1904 en Tådene församling |
| Morto | 11-an de januaro 1995 (90-jaraĝa) |
| Lingvoj | sveda • Esperanto |
| Okupo | |
| Okupo | instruisto esperantisto |
Oskar Vilhelm SVANTESSON, 1904–1995, estis sveda popollerneja instruisto kaj esperantisto.
Svantesson estis esperantisto de 1924, kasisto kaj ekde 1932 sekretario de Sveda Instruista Esperanto-Federacio, kaj en 1931 iniciatinto de Sveda-Esperanta Gazetara Informo-Servo, SEGIS, kiu liveris esperantajn novaĵojn al la sveda gazetaro. Li estis dum 25 jaroj fakdelegito de UEA pri instruado, kaj iĝis honora membro de Sveda Esperanto-Federacio,[mankas fonto] li gvidis multajn kursojn, redaktis gazetojn kaj informilojn.[mankas fonto]
En la sekcio pri lokaj aĝantoj, EdE listiĝas lin kiel O. Svantesson, kiu estas indiko ke Oskar estis lia kutime uzata nomo. Li naskiĝis la 2-an de junio 1904 en Tådene apud Vänern kaj ekster Lidköping, kaj mortis la 11-an de januaro 1995 en Gotenburgo.
Fontoj[redakti | redakti fonton]
- Ĉi tiu artikolo baziĝas (parte aŭ tute) sur la artikolo Svantesson el la Enciklopedio de Esperanto.
- Ĉi tiu artikolo baziĝas (parte aŭ tute) sur la artikolo Svedio el la Enciklopedio de Esperanto.